A primeira xornada dos "IV Encontros para a normalización lingüística" serviu para analizar a situación do galego en diferentes ámbitos sociais. A normalización do idioma para por que a igrexa, a administración, a escola a publicidade e as leis precisan dunha toma de conciencia do usuario.
Normalización
O próximo ano 2000 é o ano Internacional das Linguas, por este motivo, as IV xornadas pretenden analizar a situación do galego dentro da actual configuración sociolingüística de Galicia. No primeiro día a situación da lingua nas leis centraron a maior parte dos debates, nas que Luis Rodríguez, catedrático en Dereito Romano, destacou a necesidade de que a administración forme un funcionariado competente no galego; aínda que recoñeceu que a situación do galego no dereito non é moi positiva.
Cualidade lingüística
Nas xornadas de hoxe se recupera o debate alimentado estes días sobre a normalización lingüística na onomástica e na toponimia. As xornadas, organizadas polo Arquivo de planificación e Normalización Lingüística do Consello da Cultura Galega, contan hoxe coa presencia do escritor Gonzalo Navaza e Antón Santamarina, director do Instituto da Lingua galega. Na clausura de hoxe, preténdese facer unha análise da situación real da estandarización e calidade da nosa lingua.
