Televisión de Galicia porá en marcha a segunda canle en quince días

Aínda que desde a Televisión de Galicia (TVG) aínda non se ofrece unha data oficial de saída, o director da cadea autonómica, Suso Iglesias, anunciou durante unha entrevista no último número de A Nosa Terra que a segunda canle da televisión pública, G2, porase en marcha oficial en quince días. Ata o momento, G2 só estaba a emitir en probas. Segundo fontes da CRTVG, con posterioridade a esa apertura oficial, a CRTVG ofrecerá información sobre a grella e os contidos da nova cadea, que estará destinada en orixe a programación infantil, xuvenil e cultural.