Heredeiros da Crus lanzan o primeiro directo de rock feito en galego

Logo de cinco álbumes de grande éxito de público e unha certa polémica, o grupo Heredeiros da Crus regresa cun dobre disco de rock en directo que fai historia ó ser o primeiro deste tipo en galego. As 26 cancións do disco graváronse maioritariamente en Ribeira o 24 de xullo, e entre elas atópanse temas inéditos, como unha versión de Camilo Sesto.

Grandes éxitos



"All right Chicago (rock´n´roll)" fai un percorrido polos grandes éxitos dos cinco discos anteriores da banda, en versións cheas da enerxía do directo. Ademais, inclúese algunha das cancións que o grupo realizou para o Xabarín Club. Onda os temas, un amplo libreto de vintecatro páxinas a cor que pretende animar a xente a que o compre e evitar a piratería.












No mellor momento


Os membros do grupo coinciden en afirmar que este é o mellor traballo que realizaron ata o momento, e que o grupo está nunhas condicións óptimas. Para eles é a proba de que o grupo pode seguir crecendo e competir con calquera grupo de rock español.






"Chicago" comeza en Lugo


As festas de San Froilán serán o punto de partida da xira de presentación deste disco. O domingo ás once da noiteo Patio de Seminario de Lugo vibrará co directo dos Heredeiros. E desde alí, por toda Galicia e parte do estranxeiro.