Esta noite o San Froilán chega ó seu penúltimo día. E faino cun macroconcerto que xuntará no pabillón municipal dos deportes a Fangoira, Sexy Sadie e Los Planetas. Tres grupos que están revolucionando o concepto do Pop no noso país.
Presentación do seu novo traballo
O grupo mallorquín Sexy Sadie e o granadino Los Planetas chegan a Lugo coa presentación do seu novo disco baixo o brazo. De feito, é nesta cidade onde arrancan as súas respectivas xiras de presentación. Os que se acheguen ó pabillón lucense poderán escoitar o Unidad de desplazamiento de Los Planetas ou Butterflies de Sexy Sadie.
Música local
Ademais de pop nacional, haberá máis música hoxe en Lugo. Ás oito no antigo Seminario, o trío FHA poñerá a emoción ata que Hamlet saia a escena. Hamlet e un grupo que está caracterizado por estar na vangarda do metal nacional.
