A tradición dos cantares de reis está a demostrar unha vizosa recuperación no noso paÃs. Sexa coa denominación de ranchos, cantares ou mesmo na forma de danzas, múltiples localidades están a levar estes dÃas estas composicións populares ás rúas. Deste xeito, Mondariz acolle o vindeiro dÃa 11 o III Encontro de Ranchos de Reis. Mañá mesmo localidades coma RiofrÃo ou Salceda de Caselas celebrarán os seus propios, mentres o dÃa sete en Ponteareas haberá unha danza de reis. Pola súa banda, Boimorto fallaba onte o V Certame de Cantares de Reis, unha cita fundamental para os interesados por este tipo de pezas.
