Un traballo directo, sobrio, nada pretencioso, lonxe da artificiosidade que rodea en moitas ocasións á arte contemporánea. Son as caractíricas que definen a obra de Jiři Kovanda, o artista co que o CGAC despide o ano. Pink Carpet é a mostra que serve de repaso á súa traxectoria deste artista que se iniciou nas performances nos anos 70. Canda esta exposición, pódense ver catro traballos feitos no marco do Proxecto Edición. Son os de Javier Peñafiel, o Plan Rosebud de María Ruido; O veleno do baile de Paco Cao e OBEY_Humillados&ofendidos de Joan Morey. Son Os contextos que veñen, exposición que achega diferentes interpretacións sobre a función e o status dos arquivos na sociedade contemporánea e outros temas como a credibilidade das imaxes, a memoria ou as estratexias da edición para construír versións convincentes da realidade.
