O MARCO de Vigo acollía na tarde de onte a presentaciónd o primeiro número de Biscuit. Esta nova publicación do Servizo de Patrimonio Documental e Bibliográfico da Deputación de Pontevedra, nace coa intención de "ser órgano de expresión e comunicación ao servizo de especialistas, artistas, teóricos, críticos, profesionais, interesados na reflexión, creación, xestión e difusión da arte". Neste número cero atopamos sinaturas coma a de Xosé Manuel Lens, Isaac Cordal, Alberto Ruíz de Samaniego, Antón Patiño ou Manuel Segade. Tamén deixa a publicación un oco para a banda deseñada, coa historia Art Wars, na que Hugo Covelo amosa en catro páxinas a súa aceda visión da arte.
