O CGAC revisará no 2009 a creación cultural dos anos setenta

Os anos setenta destacaron en Galicia por un gran dinamismo social marcado, non só polo cambio político, senón tamén polo retorno dos axentes culturais da emigración e os movimentos económicos. Todo isto, no contexto europeo no que a cultura popular se mesturaba coa alta cultura, é o que pretende revisar o Centro Galego de Arte Contemporánea (CGAC) na exposición Galicia anos 70 (27 de xaneiro-3 de maio). A mostra abre o abano de actividades no que segue fiel ás súas liñas de traballo: amosar a presenza de temas e artistas do país coa creación estranxeira. Isto únese ao xa anunciado, a exposición de María Ruído en México (tamén estará no CGAC), coa que abriu a liña para exhibir fóra a creación galega contemporánea.