A Cidade da Cultura verá en 2009 a apertura do Arquivo Nacional de Galicia. Así o asegurou onte o director deste centro, Gabriel Quiroga, no Congreso que Arquivos Municipais que se está a celebrar e Lugo. Segundo adiantou Quiroga, o centro almacenará todos os fondos documentais da Xunta e ampliarase con documentos doados por entidades e persoas públicas ou privadas. Precisamente esta mañá a titular de Cultura, Ánxela Bugallo, recibía a doazón por parte do alcalde de Sada, Abel López, de cinco gravacións inéditas de Ramón Suárez Picallo que se integrarán nos fondos deste centro.
