A expectación marca os concertos cos que Fuxan os ventos voltan ao escenario

Este sábado e domingo o Auditorio de Galicia vivirá un cheo espectacular nos dous concertos que ofrece, logo de vinte anos sen actuacións ao vivo, Fuxan os Ventos. Os nove membros do grupo estarán acompañados por nomes coma Guadi Gallego, Mercedes Peón, Xabier Díaz, Uxía ou Rodrigo Romaní entre outros. Unha selección do repertorio máis coñecido do grupo conforma o espectáculo Terra de Soños. Os membros do grupo xa anunciaron que non descartan facer novas actuacións no futuro.