Os mortos van ás présas e A noite que deixou de chover son as dúas producións galegas que este ano estarán presentes na 53 edición do Festival de Cine de Valladolid, á falta de que a organización facilite o programa definitivo. Non o farán na sección oficial a competición, senón nun dos ciclos paralelos que se chama Punto de encontro, que ten a particularidade de que é o público quen elixe o filme gañador.
