Un ciclo explora a relación entre o cinema e a cidade

A cidade non é só un tema de estudo para urbanistas, arquitectos, economistas, sociólogos, senón tamén realizadores e directores. É o escenario no que se sitúan numerosos filmes que mesmo se converte nun protagonista máis. Esa relación é a que está presente en Cinecidade: A cidade imaxinada, o ciclo de cine que organiza o Colexio de Arquitectos de Galicia (COAG) en colaboración co CGAC (lugar no que se proxectarán os filmes ás 20:00 horas). Como o ciclo comeza o 6 de outubro, Día Mundial da Arquitectura, o COAG aproveitará para proxectar na praza da Quintana o video-clip The Child (música de Alex Gopher) de Antoine Bardou-Jacquet.

Programa
LUNS 6 DÍA MUNDIAL DA ARQUITECTURA
Presentación do ciclo coincidindo cos actos organizados pola delegación de Santiago do COAG para celebrar o Día Mundial da Arquitectura na Praza da Quintana a partir das 20:00 h
Proxección do video-clip The Child (música de Alex Gopher)
de Antoine Bardou-Jacquet.

MARTES 7
20.00 h Metrópolis. Fritz Lang
22.15 h Metrópolis animación de Hayashi Shigeyuki (Rin Taro).

MÉRCORES 8
20.00 h A cidade dos nenos perdidos. Jean-Pierre Jeunet
e Marc Caro
22.15 h Immortel (ad vitam). Enki Bilal

XÓVES 9
20.00 h Dark City. Alex Proyas
22.15 h A Illa. Michael Bay

VENRES 10
20.00 h Conferencia de Jorge Gorostiza
Imaxinar a cidade: Ficción e realidade no cine.
21.30 h Blade Runner. Ridley Scott