A vindeira cita coa moda será do 15 ao 19 de setembro en Madrid. É cando a pasarela Cibeles celebra a súa 48 convocatoria, que presenta un renovado deseño e se converte, tal e como se anunciou tempo atrás, na Cibeles Fashion Week. Entre o listado de deseñadores na pasarela principal só figura a coruñesa Kina Fernández, que presenta para a muller da primaveira-verán 2008 un estilo de corte mariñeiro. Canda isto, na pasarela máis alternativa El EGO hai tres nomes galegos: son os de Lorena Rodríguez, Blackhaus e Sara Lage. Ademais, entre outras das novidades desta edición, unha mostra dos desfiles participarán no "Made in Mad" de Berlín.
