Mapas, gravados, libros, proclamas, moedas ou mesmo o sabre do Mariscal Soult. O Arquivo do Reino de Galicia súmase á conmemoración do bicentenario da Guerra de Independencia coa exposición Guerra, revolución e reacción. Os comezos dun século de cambios, que abrÃa onte nas instalacións deste organismo na Coruña. A exposición, que se poderá ver ata o vindeiro 26 de setembro, recolle fondos de época do propio Arquivo, canda a bens conservados no Arquivo Municipal da Coruña, nos museos de Belas Artes da cidade, no Museo Quiñones de León de Vigo, e mesmo obxectos de propiedade particular. Máis do que na loita en si, a mostra amosa os procesos sociais do momento, a diplomacia e a vida na retagarda, ao tempo que incide as mudanzas provocadas pola invasión francesa. Os movementos de cambio social que se deron asociados ao conflito e mais a reacción subseguinte contan tamén co seu apartado na mostra. Nunha última parte, a exposición céntrase nos rastros que esta contenda deixou na memoria colectiva, coma nomes de rúas ou publicacións.
Exposición Guerra Revolución Reacción
Carta enviada por George McKinley, comandante da fragata inglesa Lively fondeada en Vigo, a Pablo Morillo felicitándoo pola expulsión dos franceses de Galicia 1809
Constitución de Cádiz
Constitución polÃtica da monarquÃa española promulgada en Cádiz o 19 de marzo de 1812 de 1820