O Consello da Xunta aprobaba esta mañá o decreto polo que asume a xestión do Parque Nacional Illas Atlánticas. Catro millóns de euros anuais, transferidos polo Ministerio de Medio Ambiente, manterán este espazo, aos que se suman seis millóns máis destinados á creación do Centro de Interpretación do parque en Vigo. Entre as primeiras actuacións que se desenvolverán, Medio Ambiente anunciou a mellora nos peiraos de Rodas (nas Cíes), no de Ons e no pantalán de Cortegada ademais dunha intervención no dique de Cíes.
