Emili Boix: “Ao que se pode chegar, no marco actual, é que as linguas non castelás teñan prioridade nas súas zonas"

Alén das accións que se desenvolven sobre lingua nas comunidades que contan con idiomas propios, o estado no seu conxunto tamén posúe políticas lingüísticas. Para falar sobre elas, o profesor de Sociolingüística da Universidade de Barcelona, Emili Boix, participou no encontro Sociedades plurilingües: da identidade á diversidade que organizou o Consello da Cultura Galega. Segundo nos explica, a evolución do traballo estatal neste campo está a ser moi lento, mentres a nivel autonómico observa grandes diferenzas. Ao seu ver, priorizar linguas minoritarias non implica en ningún caso menoscabo de dereitos para os castelánfalantes.