Profesor de Lingüística na Faculdade de Letras de Lisboa, Ivo Castro é un dos filólogos que máis se ten interesado polas relacións do seu país con Galicia e co conxunto da Lusofonía. O pasado mes de xuño achegouse a Compostela para participar no foro Sociedades plurilingües: da identidade á diversidade que organizou o Consello da Cultura Galega. En pleno proceso de debate no Alén Miño sobre o acordo que unifica a escrita do portugués, este investigador aposta por buscar relacións bilaterais entre os países que comparten fala, no lugar de concibir a Lusofonía coma un conxunto.
