Créase unha academia para promover a investigación e a práctica da cociña galega

A gastronomía é unha manifestación cultural máis. Por iso cómpre estudala, propiciar a súa estima e expansión, así como divulgar as súas excelencias. Para cumprir todos eses fins o Consello da Xunta aprobou a creación da Academia Galega de Gastronomía. Entre os obxectivos desta entidade figura a organización de actos públicos, edición de publicacións, investigación de novas receitas e creación de premios e distincións. A Academia estará adscrita á Consellaría de Presidencia.