Nun contexto cada vez máis global, os idiomas adquiren unha importancia crecente. Pero tamén suscitan problemas. A sociolingüística é a encargada de analizar e reflexionar sobre os comportamentos da sociedade perante o contacto de varias linguas. E isto é, precisamente, o que se analiza no “Sociedades plurilingües: da identidade á diversidade” que pretende situar o galego no mapamundi. Na sesión que comeza mañá no Consello da Cultura, pasarase desde a perspectiva global da diversidade lingüística á glotopolítica galega.
