É unha longa historia de incumprimentos, atrasos e litixios legais que tivo que chegar ata o mesmo Consello do Ministros. O pasado venres, este organismo acordaba rescindir o contrato polo que Construcciones Castilla se facía cargo da construción do complexo cultural de San Francisco, en Ourense. Deste xeito, finaliza a parálise que afectaba desde 2006 ao recinto, que pasará a depender da construtora Copasa e que verá algunhas modificacións no seu deseño.
