David Rubín e Miguel Porto adaptan á BD dous clásicos da literatura

“Romeo e Xulieta” verá o vindeiro outono a luz nunha versión en banda deseñada a cargo de David Rubín con guión de Ricardo Gómez. O autor ourensán anuncia no seu blog que xa rematou a obra e que está previsto que a editorial SM a publique de cara ao vindeiro outono. Polas mesmas datas sairá á rúa a adaptación que o vigués Miguel Porto ultima do texto medieval “Tirant lo Blanch” para a mesma colección e que supón a súa estrea nunha obra longa. Nos dous casos as obras sairán publicadas en formato álbum.