O Verbum ampliará o seu servizo de préstamo de BDs cun catálogo on line

Os fondos de banda deseñada que están dispoñibles no Verbum-Casa das Palabras de Vigo non paran quedos. O museo anuncia que en breve porá a disposición dos usuarios a posibilidade de consultar en liña o catálogo completo de material dispoñible. Desde hai tres anos, esta institución foi reunindo unha colección de obras que suman na actualidade arredor de 600 volumes, con presenza de traballos galegos e portugueses. O éxito do que era unha actividade de verán animou aos organizadores a contar cunha sala permanente dedicada á BD na que os usuarios dispoñen de servizos de préstamo quincenal. Desde a institución anuncian a súa intención de seguir traballando no campo da novena arte.