Naceu como unha alternativa cómica ao festival homófono, o de Cannes, pero acabou por converterse nunha proposta sólida. Nesta edición do certame de Cans (O Porriño), a Asociación Cultural Arela conseguÃu incrementar o aforo para chegar a 600 prazas. Ademais, no web do festival poderase mercar un dos 120 pack que inclúe unha camiseta e entradas para as proxeccións (cun custe de 14 euros). A orixinal actividade terá lugar do 21 ao 24 de maio.
