“O espírito de América”, nome da exposición que supuxo a chegada a Santiago de máis de mil pezas precolombinas nos anos noventa, segue dando que falar. Malia a que a semana pasada a prensa aseguraba que a metade desas pezas foran empaquetadas sen rumbo coñecido, fontes do Xulgado Número 2 de Santiago desmentíronlle aos xornalistas do Grupo Correo Gallego que fose así, indicando que só 37 pezas da mostra foron inmobilizadas. Son as que solicitou o goberno de Perú polo procedemento xudicial, único válido neste tipo de causas, que irán ao Museo de América de Madrid ata que se certifique a súa propiedade.
