As praias, os medios de transporte, os deportes ou a hostelaría son algúns dos ámbitos nos que vai incidir a campaña “Máis libros, máis libres”. A consellaría de Cultura presentaba esta mañá a súa campaña de animación á lectura, que ademais de publicidade en diferentes soportes achegará ao longo de todo 2008 propostas para achegar os libros a espazos pouco habituais. De cara a o vindeiro outono-inverno está previsto desenvolver campañas específicas de promoción centradas nas bibliotecas e nas librarías. En total 1,1 millóns de euros investiranse nestas accións con vistas a mellorar os índices de lectura no país.
