O Boletín Oficial do Estado publicaba onte os decretos de constitución dos ministerios, que son a "biblia" de como van ser os futuros órganos de goberno. Malia que falta o desenvolvemento dos decretos, hai cambios substanciais na ordenación das competencias de protección do mar coa creación do Ministerio de Medio Ambiente, Medio Rural e Medio Mariño. Segundo publica hoxe “La Voz de Galicia”, esta reorganización orgánica implica a desaparición Centro para a Prevención e Loita contra a Contaminación Marítima e do Litoral (Cepreco), creado a raíz do Prestige, e que está sen aclarar se só desaparece como entidade ou tamén as súas competencias.
