O festival máis orixinal do panorama galego quenta motores. A localidade pontevedresa de Cans celebrará do 21 ao 24 de maio a cuarta edición do seu festival de curtametraxes, que nesta ocasión recibiu máis de cen traballos, entre as producións de ficción, de animación e documentais, e uns 30 videoclips. Ademais, a organización acaba de dar a coñecer que o seu premio de honra, o Pedigree´08 que recoñece a mellor traxectoria, recaerá no actor estradense Chete Lera. Entre as novidades desta edición é que o premio contará con dotación económica (1.500 euros).
