Un acto poético musical no Consello da Cultura Galega organizado por esta institución e o PEN Clube conmemorará hoxe o Día Mundial da Poesía. Olvido García Valdés, Gastâo Cruz, Antoni Marí, Gonzalo Navaza, Luz Pozo Garza, María Xosé Queizán e César Antonio Molina, actual ministro de Cultura en funcións, participarán no evento, que contará tamén coa presenza do presidente do Consello, Ramón Villares, e mais do do PEN Clube, Luís García Tosar.
