Deixando as cuestións de arquitectura e obras á parte, que evidentemente teñen unha importancia crucial nas capacidades e funcións do futuro centro, o proceso de creación dunha biblioteca comeza moito antes da súa apertura. Neste caso concreto, “o traballo comezou xa no primeiro trimestre de 2007, con vistas a ter moito material xa preparado para poder inaugurar agora”, explica Buján. A existencia previa dunha biblioteca na cidade condicionou en certa medida estre proceso. “A biblioteca vella non estaba completamente informatizada, entón o primeiro paso foi introducir nunha base de datos o material que xa habÃa”, lembra o director. “Os fondos que habÃa eran poucos e vellos, e agora pasamos a abrir unha biblioteca importante, e houbo que adquirir moito material”. Nese sentido as obras de carácter infantil, prensa, revistas, bandas deseñadas, música, audiovisual ou obras de referencia e cientÃficas eran as grandes eivas do antigo centro. “De calquera xeito o material que habÃa é interesante e seguirá dispoñible para o público”, aclara Buján. As novas tecnoloxÃas, coma os soportes multimedia, os documentos electrónicos ou o acceso ao catálogo a través da rede supoñen as grandes novidades dos últimos anos no proceso de creación dunha biblioteca.
A adquisición
O proceso de adquisición de novos volumes é complexo e “esixe un proceso de selección e iso é un problema, especialmente na música e no cinema”, explica o director. “Hai que buscar cousas que lle poidan interesar aos usuarios e que non sexan moi densos pero tamén debes procurar que haxa calidade e que non quede só nos grandes éxitos do momento concreto. A biblioteca debe cumprir tamén unha función cultural”. A nivel de libro galego, no entanto, o proceso de adquisición é máis sinxelo e exhaustivo, xa que “Desde hai xa varios anos de cada obra que contou con subsidios da Xunta se reservaba un exemplar para este centro”. En conxunto falamos de 60.000 tÃtulos para o momento da inauguración, que o equipo responsable do centro agarda ampliar ata 100.000 ao longo do presente ano. Cada un dos volumes pasa por un proceso polo que é catalogado, clasificado e situado nos andeis cunha sinatura que permita a súa localización espacial. A maiores, cómpre pegarlle unha etiqueta de radio frecuencia e mais un código de barras. “Vai haber moito traballo para introducir aÃnda todo o que estamos a mercar”, adianta Buján.
Dirección ao público
O aparente carácter mecánico deste proceso de catalogación e etiquetado ten detrás, no entanto, unha planificación do emprego que se lles vai dar ás obras. “Temos unha clasificación moi estrita dos libros, pero para os pór a disposición do público mediante acceso directo ás obras, facemos tamén unha clasificación por intereses. A idea é agrupar as obras un pouco como se poden ver nunha librarÃa, e que se poidan atopar por xunto libros sobre diferentes hobbies, encol de temas de actualidade ou os que están editados con letra grande”, explica o director. Este tipo de propostas enmárcanse na tendencia das bibliotecas a centrar o seu traballo no público. “Tradicionalmente as bibliotecas públicas tiñan a conservación do libro coma primeiro interese, e o usuario era secundario. Ao longo do século XX iso vai mudando con medidas coma o préstamo a domicilio e o acceso directo”, lembra Buján. Deste xeito, a diferenza da antiga biblioteca compostelá, o novo centro terá boa parte dos seus fondos dispoñibles en acceso directo ao público, de xeito que o lector poderá consultar directamente a obra e decidir se lle interesa. “Antes só se podÃan pedir obras a partir dos catálogos e fichas que habÃa na biblioteca, tamén por falta de espazo para os ter dispoñibles”.
O carácter local
Outra tendencia das bibliotecas públicas actuais, que tamén está presente neste novo centro, é a de ter un carácter local e ter dispoñibles fondos especÃficos encol da cidade. “Todas as bibliotecas teñen fondo local e van seleccionando materiais coma prensa, fotografÃas, postais ou libros de historia e de arte”, lembra. “Malia a estaren dirixidas a un público xeral, teñen que estar moi inseridas na comunidade na que se atopan, e prestar atención ás necesidades da poboación”. Na biblioteca compostelá, malia a non ter orientación universitaria, son moi conscientes de que os estudantes comporán boa parte do seu público. “Tentamos ter manuais dos primeiros ciclos, sen entrar en revistas especializadas, pero si material de consulta. Ademais, na sala de lectura do terceiro andar ampliamos as mesas porque sabemos que vai haber unha poboación moi grande que as vai empregar para estudar”, lembra Buján. “Agora estamos a pensar en como adaptar o horario de verán, xa que en xuño por exemplo sabemos que vai haber moita xente con exames”.
BD e actividades
Unha das peculiaridades que vai achegar o novo centro é unha especial atención á banda deseñada, por unha banda e mais unha ampla sección para o público infantil e xuvenil por outra. Para alén, dentro da orientación para o usuario está tamén a iniciativa de desenvolver actividades de dinamización no centro, unha aposta que en Compostela teñen moi clara. “Para a exposición imos ter varias exposicións e logo hai un lote de actividades previstas coma obradoiros, conferencias e outras propostas. Coas actividades tentamos que a xente descubra os libros en función do seus intereses. A idea é que a xente vaia alÃ, colla o libro e o leve para a casa, que é o importante”.
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
Biblioteca pública Anxel Casal en Santiago
