Súmanse as iniciativas para apoiar a candidatura da Torre de Hércules

Unha cadea humana, exposicións, libros, discos... estes son algúns dos actos que se están a suceder por parte de diferentes colectivos, pero todos cun mesmo obxectivo: apoiar a candidatura da Torre de Hércules para ser declarada Patrimonio da Humanidade pola UNESCO. O primeiro en facelo foron as autoridades portuarias que abrirán os faros de Galicia a múltiples actos culturais: presentación do CD “Luces no Atlántico” e o libro “Mascarón Azul", máis unha exposición itinerante. Canda isto, o Instituto de Estudos Torre propón unha cadea humana para representar a incidencia social que ten o monumento.