“Docs Galicia 08” é a nova convocatoria do Consorcio Audiovisual de Galicia, co fin de promover e difundir os documentais galegos. Trátase da segunda edición deste programa que pretende elaborar un catálogo promocional e que este ano incorpora unha novidade: as produtoras seleccionadas recibirán un máximo de 4.500 euros por proxecto para poder asistir a mercados e festivais nacionais e internacionais. A convocatoria estará aberta a todas as produtoras galegas durante un mes despois da publicación do anuncio no Diario Oficial de Galicia.
