Dez localidades do concello de Lugo polas que transcorre algunha das variantes do Camiño de Santiago (Camiño do Norte, Ruta Primitiva ou Francesa) estarán de festa no meses de xullo e agosto. Isto é posible grazas a “Artes do Camiño”, o festival que impulsa a Sociedade Anónima de Xestión do Plan Xacobeo. Un evento que engloba máis de sesenta actividades entre teatro concertos, poesía, danza ou luthería e que ten un orzamento de 380.000 euros. O violinista Benjamin Kreith, o frautista Carlos Cano ou o bailarín Jurik Kondraj son algúns dos artistas que formarán parte deste festival.
