Os concellos galegos teñen de prazo ata o 31 de marzo para presentarse á convocatoria de axudas para mercar equipamento audiovisual e multimedia. Co obxectivo de que os concellos poidan ofrecer contidos e servizos de interese social, cultural e formativo aos seus cidadáns, a Secretaría Xeral de Comunicación acaba de convocar dúas liñas de axudas: unha para a prestación do servizo de radiodifusión sonora e outra para mercar equipamento audiovisual e multimedia.
