A Galería Trinta asegura que non volverá a asistir a ARCO polo rumbo que está a tomar a feira

A feira de arte contemporánea máis importante do Estado, ARCO, acaba de botar o peche en Madrid. En total, uns 20.000 asistentes participaron nesta feira da que a organización non quixo precisar cifras de vendas. No caso das galerías galegas participantes na feira regresan satisfeitas polos resultados obtidos pero a Santiaguesa Trinta desmárcase desa tónica xeral ao asegurar que non ten pensado volver. A súa directora, Asunta Rodríguez, asegurou que foi a “peor” feira porque se converteu nun “mercado puro e duro”.