A Semana Galega de Filosofía cumpre vinte e cinco anos baixo o lema “Filosofía e utopía”

En 1984, un grupo de profesores de Secundaria organizaron a I Semana Galega de Filosofía co intento de crear un espazo de reflexión que non existía. Por iso, unha parte do lema deste ano leva a etiqueta de “Filosofía”, mentres que a outra é “Utopía”, entendida como a necesidade de pensar doutro modo ante a insistente imposición dunha única verdade. Félix Duque, Anxo Carracedo, Ignacio Ramonet, Ramón Villares ou Hebe de Bonafini son algúns do nomes que fan parte do programa que terá lugar do 24 ao 28 de marzo.