“Quo vadis ius mercatorum? (Especial atención aos camiños da propiedade intelectual)” é o título da conferencia que impartirá esta tarde o doutor en dereito José Antonio Gómez Segade. A charla inaugura “Palestras maxistrais”, o ciclo que organiza o Consello da Cultura Galega en colaboración coa Dirección Xeral de I+D+i da Consellaría de Innovación e Industria e das tres universidades galegas. O ciclo nace coa pretensión de que grandes expertos do sistema científico e universitario do noso país compartan a súa visión da evolución cultural e científica de Galicia desde a súa disciplina. A seguinte cita será o 29 de xaneiro, cando Angel Rodríguez de Lera falará sobre “As revolucións científicas na Química”.
Máis información no web do Consello da Cultura Galega
