Inmersos na carreira de celebracións e, ao mesmo tempo, de documentación para ser declarada Patrimonio da Humanidade, o deterioro da Torre de Hércules continúa imparable. Por iso, as tres administracións implicadas na súa xestión (o Estado a través da Autoridade Portuaria, o Concello e a Xunta) están a buscar financiamento para acometer medidas de reforma. De feito, segundo publica hoxe “El País” a finais deste mes, técnicos da Consellaría de Cultura rematarán un informe que diagnosticará o estado da Torre e que ofrecerá solucións ás súas doenzas. Mentres, a UNESCO decidirá en menos dun mes os 47 monumentos que competirán por obter no 2009 a declaración de Patrimonio da Humanidade.
Máis información en El País e na nosa hemeroteca
