Estaba previsto que o traspaso do Parque das Illas Atlánticas a Galicia se realizase en xaneiro. Sen embargo, o proceso deberá agardar, polo menos outros seis meses. É o tempo preciso para que esa transferencia se aprobe en Consello de Ministros, tal e como publica hoxe “El País”. Este mesmo medio asegura que o que parece claro é que Tambo non fará parte do Parque Nacional das Illas Atlánticas. Entre outras cousas porque non cumpre a Lei de Parques Nacionais en canto a continuidade xeográfica e aos requisitos de singularidade de flora e fauna. Ademais, a integración da illa tamén depende da resolución dunha demanda xudicial dun propietario disconforme coa expropiación.
Máis información en El País e na nosa hemeroteca
