Xa hai data. O Parque Nacional das Illas Atlánticas pasará a mans do goberno galego o vindeiro día 1 de xaneiro. O Ministerio e a Consellaría de Medio Ambiente acordaron onte a data do traspaso, logo do cal, a Xunta anunciou a súa intención de mudarlle o nome a este espazo natural que pasará a se chamar Illas de Galicia. Ao tempo, o secretario xeral para o Territorio e a Biodiversidade, Antonio Serrano, anunciou que a Dirección Xeral de Costas destinará 25 millóns de euros a adquirir cincocentas hectáreas de espazos costeiros en perigo para garantir a súa protección.
Máis información en La Voz de Galicia; en El País, en Galicia Hoxe e nos nosos arquivos
