A Secretaría Xeral de Comunicación fallou hoxe os premios Galicia Comunicación que premian o labor informativo dos medios e profesionais do país. “La Voz de Galicia” fíxose co premio a mellor empresa; o semanario “A Nosa Terra" levou o de mellor iniciativa do campo da comunicación, e Andrés Torres Queiruga recibiu o de mellor labor de comunicación en medios impresos por ser o presidente e un dos fundadores da revista "Encrucillada". Canda eles, os programas “Alalá” (TVG) e “La Estación Azul”(RNE) foron recoñecidos como os mellores labores de comunicación en radio e televisión. O autor do Carrabouxo, Xosé Lois González, foi premiado no apartado de xornalismo gráfico. Ademais, Acisclo Manzano acaba de facer entrega da “Deusa da comunicación”, a escultura que recibirán os galardoados.
Máis información no web da Xunta e sobre edicións anteriores do premio na nosa hemeroteca
