A colectividade galega que vive no exterior constitúe un núcleo importante desde o punto de vista económico, social, cultural pero tamén político para Galicia. Pero se durante lustros o discurso da clase política se centrou na escaseza que obrigou a moitos a emigrar, agora, a Xunta deulle unha volta ao seu discurso para destacar o exilio, empregando a metáfora da “longa noite de pedra” acuñada por Celso Emilio Ferreiro. Canda iso, a visita a México do presidente da Xunta, Emilio Pérez Touriño deixou tamén outras novidades, como o convenio asinado coa Universidade Nacional de México para a docencia, investigación e promoción da lingua, literatura e cultura de Galicia.
Máis información en La Voz de Galicia e no web da Xunta
