Co nome “Medios de comunicación e identidade”, o Consello da Cultura Galega acolle hoxe e mañá un foro centrado na importancia que prensa, radio, televisión ou Internet teñen na construción identitaria e na difusión da nosa lingua e cultura. Responsables de diferentes medios e investigadores deste ámbito analizarán, entre outras cuestións, o xeito en que se foron configurando os medios galeguistas ao longo do século XX, debaterán a súa relación coa lingua ou compararán a nosa situación coas de Euskadi e Cataluña.
Máis información no web do Consello da Cultura