"Expediente Artieda" de Luís Rei e "As cousas claras" de Neira Cruz son as novidades que presenta a editorial Xerais para este outono. Premios Xerais e Merlin, respectivamente, que se presentaron en Frankfurt na feira do libro que remata hoxe.
Luis Rei Núñez
"Expediente Artieda" é a obra do xornalista Luís Rei Núñez que gañou o premio Xerais. É a primeira novela de Rei Núñez e na que se converte nun cronista para narrar a resitencia urbana antifranquista da cidade de A Coruña. Núñez (A Coruña, 1958) é un destacado representante do novo xornalismo galego cunha abondosa traxectoria literaria centrada na poesía, no ensaio e director da colección poética Tambo.
Xosé Antón Neira Cruz
A morte, a violencia , a falta de comunicación e a crueldade superados polo amor é a temática que aborda Neira Cruz na súa obra "As cousas claras". Obra pola que foi galardoado co premio Merlín, un accesit co que xa fóra galardoado hai unha década e co que se dera a coñecer como escritor.
