Tronos & misterios, de Matarile Teatro

Un científico, un mestriño de escola e actor, un bailarín e licoreiro, o profesor, e eu. Asomámonos a un balcón e, alí abaixo, eses seres que fomos, un desfile de datos non escritos -a pel non se escribe- aparentemente inservibles pero non esquecidos. Eliminado o decorado e extraídos da súa contorna -unha fábrica de coches, un ballet nacional, unha escola, un obradoiro de marionetas ou un laboratorio de universidade-, trasladados a un escenario e vistos agora desde a barreira, diseccionados ante o patio de butacas, estes personaxes non son máis que produtos atónitos de ALGO, - chamémoslle historia, cultura, familia, tempo - que non puideron ou non souberon controlar.

Ver ficha técnica no web do IGAEM e sobre a compañía no seu web