Verse afectados por un forte misticismo e sentir que se camiñou máis do que realmente se fixo son algunhas das características que comparten os que padecen o síndrome do Camiño de Santiago. Así o documenta o psiquiatra burgalés Jesús de la Gándara nun estudo realizado entre diferentes peregrinos que realizaron o camiño e que xa tiñan antecedentes de patoloxías de saúde mental. O trastorno, semellante a outros como o de Stendhal, Xerusalén, o do Xudío Errante ou o de Ulises, presenta como síntomas episodios de alucinacións, delirios e sensación paranoide. O estudo foi presentado nun congreso sobre psiquiatría que se desenvolve estes días en Santiago.
Máis información en La Voz de Galicia e en El País
