Mediante un comunicado a AELG apoia á Fundación Castelao pedindo que a casa rianxeira do prócer sexa declarada Ben de Interese Cultural e que esa declaración se faga extensiva a todos os seus orixinais de obra gráfica e escrita para protexelos no futuro ante transaccións mercantís. Os escritores cren que o inmoble non debe ser propiedade privada e apostan pola vía da expropiación para poñer a propiedade nas mans públicas pedindo unha “xestión de carácter público e institucional co fin de contribuír á difusión do pensamento e da obra do creador”. A AELG pide que casa de Daniel Castelao sexa un lugar público e aberto de encontro e de estudo. A asociación de escritores apoia así a reivindicación que a Fundación Castelao fixo a finais de xullo no mesmo sentido.
Nota de prensa da AELG
Máis información sobre a petición nos nosos arquivos
