Unha longa carta aberta do antigo conselleiro de Cultura Xesús Pérez Varela foi a grande achega da fin de semana ao debate sobre a Cidade da Cultura. Neste texto, Pérez Varela defende o proxecto como “necesario e de primeira necesidade” e rebate as acusacións de dispendio no proxecto. Pola súa banda, o alcalde de Santiago, Xosé Sánchez Bugallo, denunciou que “hai intereses de persoas e medios de comunicación” en que o proxecto non se conclúa. Terciando na defensa do Gaiás, o presidente Touriño e mais a conselleira de Cultura, Ánxela Bugallo, sinalaron que o proxecto é viable e que a mellor solución era rematar o complexo.
A carta de Pérez Varela, en El Correo Gallego: primeira parte e segunda parte; as declaracións de Sánchez Bugallo, e as respostas de Touriño e da conselleira de Cultura no mesmo xornal; declaracións de Touriño no web da Xunta
