As xornadas “Mar por medio” debaten hoxe sobre a proxección dos sectores culturais estratéxicos de Galicia en Latinoamérica

As xornadas “Mar por Medio”, que organiza a Consellería de Cultura en Ribadeo desde onte, debaten sobre a expansión da industria cultural galega nos países de Latinoamérica. Para iso, contará coa participación de Félix Rodríguez, que falará sobre como difundir o libro galego en Latinoamérica, Antonio Martínez, que estudará a proxección musical do país e unha mesa redonda con Manolo González, Margarita Ledo e Enrique Nicanor que debaterán sobre directrices para a visibilización no exterior do audiovisual.