Alicia Fernández Rodríguez, Diego Blanco, Alfonso Zarauza e o Grupo Meu. Os seus nomes poden que, a día de hoxe, non digan grande cousa pero, nos vindeiros meses presentarán os seus novos proxectos. Son aire fresco da literatura, da música, do audiovisual e da banda deseñada que chegan cargados de ilusión e un cúmulo de boas intencións.
Non son necesariamente novos, pero a súa obra si o é. Non teñen un corpus excesivamente longo ás súas costas, pero si coa suficiente entidade como para dicir deles que darán moito que falar. Entraron no mundo creativo, cada un coas súas propias características, a contracorrente, cando o que facían non era nin o habitual, nin o esperable, pero os seus traballos sorprenden a quen xa os coñece. Alicia Fernández dedícase á escritura desde que ten nove anos, Diego Blanco foi o primeiro autor en unirse a Polaqia tralos cinco membros fundadores, Alfonso Zarauza comezou no audiovisual nun momento no que as curtametraxes eran algo escaso e impensable para o común dos mortais e o Grupo Meu cristalizou a traxectoria de diferentes bandas coruñesas coa decidida intención de percorrer un camiño novo.
Non son todos os que están, pero están todos os que son. Coñéceos (ver galería)
Non son todos os que están, pero están todos os que son. Coñéceos (ver galería)
