As galegas traballadoras están chamadas polos sindicatos a cesar hoxe a súa actividade laboral entre as 12 e as 14 horas para protestar contra a precariedade e discriminación laboral a que se atopan submetidas. Este paro pretende apoiar a "Marcha Mundial das Mullers 2000" de Nova York e Bruxelas, onde participarán tamén representacións galegas
Convocatoria de paro
Ademais dos paros, as prazas das principais cidades galegas e da vila de Cee serán escenario, ás 13 horas, de mobilizacións. Ademais 220 galegas asistirán a marcha de Bruxelas do vindeiro día 14 diante do Fondo Monetario Internacional. Pola súa banda Guadalupe Ces representará a Galicia nunha entrevista que manterá un grupo de mulleres co secretario xeral da ONU Koffi Annan.
Discriminación
Segundo un informe da ONU unha de cada tres mulleres sofre malos tratos, 200 millóns de nenas está sen escolarizar e que 60 millóns de abortos foron de fetos femininos. En Galicia a poboación feminina ocupa as categorías máis baixas, é discriminada salarialmente e ten un 61 por cento de eventualidade laboral. O país tamén se fará sentir na marcha de Nova York, onde a manifestación se fará ó ritmo de Milladoiro.
